A Universidade de Santiago xunto coa Consellería de Cultura, Educación e Ordenación Universitaria organizan dentro do marco dos cursos de verán 2012 o curso "Química: A Ciencia que envolve a nosa vida".
O obxectivo é dar a coñecer que é a Química no século XXI, e como se relaciona con outras ciencias, aportando exemplos que demostran que a maioría das actividades que forman parte da nosa vida diaria teñen un alto compoñente de Química.
Trátase dun curso teórico de 30 horas de duración, que inclúe sesións de conferencias, mesas redondas, obradoiros interactivos e visitas a industrias e institucións relacionadas coas temáticas tratadas. Esta actividade está recoñecida con dous créditos de libre configuración para alumnos da USC; e como actividade de formación do profesorado pola Consellería de Cultura, Educación e Ordenación Universitaria.
Destinatarios: alumnos de Licenciaturas, Graos, e de Terceiro Ciclo; profesores da ESO, de Bacharelato e de Formación Profesional.
Datas de celebración: 16-20 de xullo de 2012.
Prazo de matrícula:
•On line por internet, a partir do 15 de maio de 2012.
•Presencial: a partir do 20 de xuño de 2012
Fin do prazo: 6 de xullo de 2012
