Referente a entrada anterior.

Ao ver a entrada anterior, acordeime de contarvos dúas boas ideas que eu tiña para levar a cabo durante as prácticas, antes de chegar ao centro e atoparme co meu titor, un home que está bastante molesto porque lle aparacera unha alumna de prácticas, aínda que intente disimulalo sendo amable conmigo, e que o máximo que me deixa facer é sentarme ao fondo da aula para que así vexa como falan os alumnos...

En fin aquí vai.

Fai uns meses chegou ás miñas mans este vídeo, e como a min me ía tocar dar clase en 2º de ESO, tiña pensado, en colaboración co titor/a facer algo semellante. As cancións ían ser "Danza Kuduro" ou "ai se eu te pego" a que os alumnos preferiran, e a temática, a UD que me tocase darlles. 

A distribución ía ser, repartir aos alumnos en grupos e que en dúas sesións de titoría compuxesen cada grupo unha estrofa e o estribillo. 

Logo xa falara co meu mozo, que estuda comunicación audiovisual, para que el nos fose gravar, porque así sería moito máis rápido e poderíamos gravar nunha soa sesión de titoría.

Se o titor/a non quixera colaborar, tiña pensado ir facendoo durante os recreos, porque estaba segura, e sigoo estando, que unha actividade así aos cativos fascinaríalle.

Por outra banda, e por se isto non mo permitira o centro, tiña pensado falar co profe de plástica e emprender unha actividade conxunta na que o arte e maila ciencia se fuxionasen, e preparar unha exposición para por no colexio. 

Aquí veríame limitada polo que o profe de plástica preferise, pero eu tiña pensado, facer unha exposición de espellos decorados cos orgánulos da célula.

Isto é unha actividade sinxela pero moi bonita que eu fixen no cole cando era pequena, so que o debuxo era unha personaxe de conto.

Faise do seguinte modo. Os alumnos con axuda de papel carbón, recalcan o dibuxo que lles toque, por exemplo unha mitocondria na parte de atrás do espello. A continuación, as raias do debuxo vanas rascando cun punzón ata que eliminan toda a pintura do espello e queda soamente o cristal. 

Unha vez teñen todo o debuxo definido no cristal, dáselle unha capa de pintura, que pode ser dunha soa cor, ou de varias, entón o resultado é, un espello normal pero que ten no medio un debuxo máxico que parece que está por riba do espello pero en realidade está por detrás.

Ven sendo algo así, so que aquí a pintura que usaron é branca e non destaca moito.

Despois, tamén en plástica ou en tecnoloxía, os alumnos farían uns marcos de madeira para poder enmarcar os espellos e colgalos no centro.

En clase de ciencias faríamos unhas etiquetas onde explicariamos brevemente a función de cada órgano.

Deixovos aquí estas ideas por se alguén ten a sorte de ter un titor/a de prácticas que realmente lle apeteza e esté encantado/a de tervos alí, porque dende logo ese non é o meu caso, así que isto todo para min quedarase nun soño, porque xa me deixa dar algunha clase a min soa, xa será todo un logro.